Archivos de Etiquetas: letras

Wanted!!!!

Publicada en de Publicado en: Noticias

Concurso Búscase xente lendo. Parodiando os carteis das películas do oeste, buscamos ao alumno máis lector, nun momento en que hai certa reticencia entre os rapaces a dicir publicamente que len.  Farémolo mediante unha especie de “pasaporte lector” que se irá selando con cada novo libro lido. Seguindo coa parodia, recompensarase: os dous alumnos que máis selos acaden recibirán premios ao final do curso: dous vales para canxear en Media Mark. 

Ademais, quen participe non só optará ao premio material, todas as lecturas serán avaliadas positivamente. Todo son vantaxes, é cuestión de buscar os libros que máis che gusten. Consulta as bases e participa!  Veña, que os pasaportes comezan a encherse!

Begoña Campaña

Ludi Compostellani

Publicada en de Publicado en: Noticias

Os alumnos de 1º de Bacharelato asistiron o mércores 22 de xaneiro os V LUDI COMPOSTELLANI, nos que se realizaron diferentes actividades relacionadas coa cultura clásica organizados polo SEEC-Galicia, en colaboración co grupo de investigación “Estudos Clásicos e Medievais” da USC, e que tiveron lugar na Facultade de Filoloxía de Santiago de Compostela.

Entre as múltipes actividades programadas, os nosos alumnos participaron en diversos obradoiros e xogos, como o de danza grega, e entre os que se ofertaban ademáis, hixiene e cosmética, moda clásica, escritura latina e grega, etc. Tamén disfrutaron como espectadores, dun espectáculo de gladiadores a cargo de “Gallaecia Viva”, no Salón de Actos.

Esta xornada forma parte das actividades programadas polos departamentos de Latín, Grego, Historia e Filosofía polo fomento das Humanidades, o pensamento e a cultura clásicas entre o noso alumnado, e que forman parte do ideario e seña de identidade do noso Seminario dende a sua fundación.

Constantino Fuentes

Retomamos Xente lendo!!!!

Publicada en de Publicado en: Noticias

Conscientes da importancia que a lectura ten no desenvolvemento integral dos nosos alumnos, o Seminario Menor vén desenvolvendo dende hai anos un Plan Lector. 

Como novidade, desde o pasado curso 2018-19, engadimos dúas actividades que pretendemos que teñan continuidade: o concurso “Búscase xente lendo” e o Blog de lectura xentelendo. O obxectivo que se busca con estas dúas actividades é o de manter unha actitude favorable cara á lectura como fonte de pracer e ampliación de saberes.  

Coa chegada deste novo ano, 2020, volvemos ao ataque co noso blog de lectura. Volveremos a “presumir de lecturas”, a recomendar os nosos libros favoritos e a comentar as sensacións que nos provocan. Cremos que para os alumnos o feito de facelo a través dun ordenador é un aliciente, xa que para eles é un medio asociado a momentos de lecer e diversión. No blog informaremos sobre concursos, novidades literarias e calquera actividade relacionada coa literatura e a lectura que se desenvolva no noso centro. Convidamos a todo o que queira participar a facelo, alumnos, profesores, demais persoal do Centro e pais, cada nova achega será ben recibida. O curso pasado a participación dos pais foi tímida pero houbo achegas ben interesantes. Só tes que rexistrarte e xa poderás comentar ou engadir novos artigos no noso blog, anímate!

http://xentelendo.smasuncion.es/ (enlace na páxina web do Seminario)