Na pasada reunión de pais adiantabamos algunhas das visitas culturais que se levarían a cabo durante o curso 2014-2015. Somos conscientes de que o principal nas horas lectivas é o estudio e a aprendizaxe na aula, pero tamén que a educación vai moito más aló destes ámbitos. O discernimento vocacional atópase sempre no noso horizonte e inspirando tódalas nosas tarefas, e dende este convencemento realizamos tamén outro tipo de actividades que exceden o meramente académico pero que se atopan ao servicio desta educación integral e cristiá que queremos ofrecer aos nosos alumnos.

Sabedores desta necesidade, a semana pasada os alumnos de 4º da ESO visitaban o Museo das Peregrinacións, recoñecendo así os cimentos auténticos da historia da nosa cidade e a nosa diocese. Santiago de Compostela nace e crece en torno a figura do Apóstolo, quen atraerá hata estas terras a milleiros de pelegríns ao longo dos séculos e favorecerá o nacemento de outras institucións adalides na promoción da cultura, como é o caso da Universidade. Nesta visita puideron comprobar a través de maquetas e exposicións todo o dito hata eiquí.

No caso dos alumnos de 1º, 2º e 3º da ESO, a visita tivo lugar á Biblioteca Pública de Santiago Ánxel Casal. Trala explicación sobre o sentido de ser, a distribución e o funcionamento dunha biblioteca, tiveron oportunidade de poñer en valor todo o aprendido mediante un xogo de pistas e probas na planta baixa do edificio.

Ás seguintes actividades de tipo cultural ao marxen do estrictamente académico serán xa nas nosas instalacións: a visita dun misionero comboniano dentro da campaña do DOMUND ou o testimonio médico e persoal de distintas figuras inmersas nos perigos das drogas, o alcohol e a estrada.

Coma sempre, recorda que en podes ver imáxenes destes acontecementos na galería fotográfica do propio blog que estás lendo.