Dentro dos actos da Semana Vocacional que nos atopamos a celebrar en torno a festa de San Xosé, patrón dos seminarios, a nosa institución ven de iniciar dita semana cunha interesante Mesa Redonda sobre a vocación sacerdotal.

Parafraseando a Sta. Tareixa de Xesús, e baixo o lema Señor, qué mandades facer de mín? dous sacerdotes e mais un diácono da nosa diocese contaronnos o proceso da súa vocación. Tres historias ben distintas pero baixo un denominador común: a súa resposta afirmativa, confiada e xenerosa ante a chamada do Señor.

D. Daniel Turnes, natural de Sta. Comba, falábanos de coma cando el, estudiante no Seminario Menor, escoitaba a posibilidade de que o Señor lle fixera esta chamada, intentaba deixar a conversa de lado e centrarse noutros proxectos. Non foi quen de facelo, pois a invitación a deixalo todo e segui-lo Maestro foise facendo cada vez mais ineludible, polo que, ao acabar os seus estudos de secundaria dou o paso cara o Seminario Maior.

No caso de D. Víctor Suárez, da Illa de Arousa, o paso fíxose mais de rogar. Índa que dende moi novo tiña claro o que o Señor lle pedía, decidiu facer antes outros estudios universitarios; dúas licenciaturas que o que lle fixeron ver era que estaba chamado a outro tipo de “traballo”, a entrega a unha tarefa moito mais nobre e elevada.

D. Santiago Fernández, do concello de Touro, todavía é diácono. Coa axuda de Deus será ordeado sacerdote no vindeiro mes de xullo. o descubrimento da súa vocación responde a un largo proceso. Buscando por riba de todo a felicidade, ésta non lle chegaba nin cos seus estudios, nin co seu coche, nin co seu trballo fixo no que xa levaba sete anos. Con trinta e tres anos deixaba todo iso atrás para entrar no Seminario Maior. A partir de ahí douse conta que atopara o que seu corazón lle reclamaba, esa felicidade que tanto ansiaba.

Tres vocacións, coma diciamos, ben distintas, pero ben reais; sinxelas, pero profundas; iniciándose, coma quen di, pero cunha meta perfectamente vislumbrada.

E para darnos conta de que, iniciándose ou non, é grande e apaixoante a tarfa a que estamos chamados, a tarde do martes dedicámola a coñeceres a figura doutro sacerdote: Don Luigi di Liegro. Trátase dunha figura excepcional da segunda metade do século XX, que supuxo unha auténtica revolución no modo de exercer a caridade na propia diocese de Roma, a través de diversas obras de asistencia social. un exemplo e un estímulo para todos os que queremos servir ao Seño naquelo que nos pida.