Tra-lo descanso do Nadal toca voltar a poñerse mans á obra nesta segunda parte do curso. Son moitas as actividades que teremos por diante neste novo trimestre. Bástenos sinalar dende aquí as máis significativas.

No último venres do mes celebraremos solemnemente a festa de Sto. Tomé de Aquino, patrono da educación secundaria e universitaria. Ademáis de dar grazas a Deus polo testimonio da súa vida e de encomendarnos a súa protección coa celebración eucarística, os distintos cursos xa están a preparar o tradicional Concurso de Sto. Tomé, no que porán a proba os seus coñecementos nas distintas áreas temáticas. Este ano estará dedicado ás Irmandades da Fala, a Shakespeare e a Cervantes.

Na última semana de febreiro, pasarémolo testigo a San Rosendo, copatrono do Seminario Menor, e a súa Semana Cultural. Estamos a ultimar ao longo destes días o programa definitivo dos distintos actos, máis podemos, polo pronto, reservar xa o sábado 27 coma o día de Encontro de Antiguos Alumnos e Amigos do Seminario.

Non podemos olvidar tampouco o que ocupa a meirande parte do noso horario: os estudos. Teñamos en mente que este ano a Semana Santa cae moi pronto, polo que o trimestre queda bastante achicado. Xa o venres 5 de febreiro emitirémolas primeiras calificacións (2º informe) e o venres 18 de marzo as notas da 2ª avaliación. Polo medio quedan as datas do Entroido, a Coresma ou a Convivencia trimestral (do 12 ao 14 de febreiro).

Poñámonos todos as pilas canto antes e saquemos, tamén entre todos, o maior rendimento posible nesta novo etapa!