O Seminario Menor da Asunción non é só una institución educativa, senón que tamén é, en certo modo, unha gran familia. Por iso alegrámonos das boas noticias que poden afectar a cada un de nós e sufrimos tamén cando alguén de esta gran familia perde a algún ser querido.

Fai menos dun mes, falecía a nai do Sr. Reitor e foron moitos os que vos achegáchedes ata a súa parroquia natal para acompáñalo. Tamén fúchedes moitos os que, non puidendo acompáñalo nesa data, nos dixéchedes que vos gustaría facelo se organizabamos algunha celebración no Seminario para pedir polo seu eterno descanso.

A esa triste noticia uníase tamén a morte inesperada do marido de Lucía, unha das nosas empleadas no persoal de servizo e que, dun feito calado, fan posible o día a día do Seminario. Parecíanos axeitado, polo tanto, ter en conta tamén este sentimento na nosa celebración e extendelo tamén a súplica por aqueles membros das nosas familias falecidos recentemente, como é o caso do pai dun dos nosos alumnos.

Con este motivo, o vindeiro martes, 19 de setembro, ás 16:50 h., celebraremos a Santa Misa pedindo por todos eles. Invitamos dende aquí a todos aqueles que queiran unirse a nós nesta celebración propia no Seminario Menor.